Dard kutch is kadar hai ki ek aansoo bhi ab beh nahi sakta,
Kutch is tarah se toota hoon ki zinda bhi ab reh nahi sakta.

Us mod se aati aavaaz, kutch door pe hanste vo log,
arrey koi roko unhe, thahakon ki goonj ab mein seh nahi sakta.

kya bataoon kisi ko kaise toot gaya mera aashiyaana,
jo dard hai is dil mein kisi aur ko ab mein keh nahi sakta.

gila tujhse kya karoon ae dost, paresha khud se hoon mein,
jiske layak kabhi tha hi nahi us duniya mein ab reh nahi sakta.

youn to koi haq nahi mera tujhpe, par ek binti kare jaata hoon,
mere janaje pe mat aana, teri ruswai ye 'majrooh' seh nahi sakta.